От ыйын 14 кунугэр Дьоккуускай куораттан Саха республикатынаа5ы Бутун Россиятаа5ы айыл5а харыстабылын общественнай тэрилтэтин салайааччыта Гертер К. А., эппиэтинистээх сэкирэтээрэ Бурцева С. С. Мурутээ5и эдэр натуралистар станцияларыгар нэьилиэнньэ5э экологическай уерэхтээьини ыыттылар. Кинилэр биир сурун сыалларынан улуустарга баар экологическай тэрээьиннэри, тумсуулэри бииргэ тумуу, улэлэрин киэн арана5а таьаарыы, куус-кеме, субэ-ама буолуу.
Бу урукку кэмнэ Союзка саамай улухан уонна киэнник тар5аммыт общественнай тэрилтэ биьиги дойдубутугар аан маннай А. В. Луначарскай уонна Н. К. Крупская са5алааhыннарынан 1924 сыллаахха Москва5а тёруттэммитэ. Саха сиригэр бу тэрилтэ оччотоо5у Министрдар Советтарын айыл5а харыстабылыгар комитетын улэhиттэрин уонна Саха сиринээ5и Россия наукаларын академиятын учуонайдарын куустэринэн 1962 сыллаахха тэриллибитэ. Бутун Россиятаа5ы айыл5а харыстабылын общественнай тэрилтэтэ 1960 сыллаахтан Аан дойдутаа5ы Айыл5а харыстабылын союьун чилиэнэ. Быйыл тэриллибитэ 90 сылын алтынньы ыйга бэлиэтиэ5э.
Кун маннайгы анарыгар «Эколог» реаблитационнай центр о5олорун кытта керсуьэн, билигин баар экологическай кыьал5алар тустарынан кэпсэтиини Светлана Семеновна Бурцева бэрт сэргэхтик ыытта, биьиги о5олорбут сытыы, интириэьинэй боппуруостары туруоран, викторина5а эппиэттэьэн, экология5а бэйэлэрэ билиилээхтэрин, толкуйдаахтарын кердердулэр, ыалдьыттарбытын уёртулэр. Кирилл Кривошапкин, Муру 2 №-дээх орто оскуолатын 2 кылааьын уерэнээччитэ сурун боппуруоска септеехтук эппиэттээн, «Сохраним родную природу» диэн сэдэх открытка комплегын хаьайынынан буолла.
Кун иккис анарыгар улахан дьону кытта керсуьуугэ Карл Андреевич Гертер ыытар улэтин туьунан сырдатта, ханнык тэрээьиннэр хайдах баралларын кэпсээтэ, боппуруостарга эппиэттээтэ. Улууска, Муру нэьилиэгэр ыытар экологическай уёрэхтээhиннэ улэлэрин туьунан юннатскай станция педагога Винокурова Мария Платоновна, о5о библиотекатын салайааччыта Портнягина Вера Алексеевна сырдаттылар, улэлэригэр субэ-ама ыллылар. Чаран олохтоо5о Тролукова Елена Николаевна туьаттан тахсыбыт сири хайдах челугэр туьэрбитин кэпсээн, улахан сэнээрини ылла. Ону тэнэ улуус уэрэ5ин тэрилтэлэрин кытары бииргэ улэлээhиннэ ынырдылар. Бу ынырыыны Муру 1-гы уонна 2-с оскуолара ёйёённёр Саха республикатынаа5ы Бутун Россиятаа5ы айыл5а харыстабылын общественнай тэрилтэтин кытары собулэhиини илии баттаhыыны бэлэмнииргэ уурдулар.
Салгыы Куоьа5астан, Муруттэн, Чаран беьуелэгэр баар Ункур куеллэртэн уу пробатын хомуйан, кинилэр хайдах хаачыстыбалаахтарын анализка ылан бардылар, олор тумуктэрин бу куннэргэ нэьилиэнньэ5э сырдатыахпыт.
Ким тереебут сирин айыл5ата чел буоларыгар кыhанааччылары, баар экологическай кыьал5алары суох онорууга баар кууhу-кудэ5и тумэн ылсыьыан ба5алаахтары хас биирдиигитин бу тэрилтэ чилиэннэрэ буоларгытыгар ынырабыт. Билсэр телефоннаргыт: +78941007342, +79142845838. Бутун Россиятаа5ы Айыл5а харыстабылын обьщественнай тэрилтэтин туhунан, Устаабын, сонуннарын билсэр сайткыт: http://www.runature.ru/ .
Мария Винокурова, «Экос» общественнай тумсуу салайааччыта